TETFund Ta Dakatar da Sabbin Tallafi Ga Makarantun Da Suka Gaza Kammala Ayyukansu By
TETFund Ta Dakatar da Sabbin Tallafi Ga Makarantun Da Suka Gaza Kammala Ayyukansu
By
Umar Nusaiba Ibrahim
Hukumar TETFund ta sanar da cewa daga zagayen tallafin shekarar 2027, ba za ta amince da sabbin ayyuka ga jami’o’i, kwalejoji da sauran cibiyoyin ilimi da ke da ayyukan TETFund da ba a kammala ba ko aka yi watsi da su ba.
Shugaban Kwamitin Amintattu na TETFund, Aminu Masari, ya ce matakin na da nufin magance yawan jinkirin kammala ayyukan da asusun ke ɗaukar nauyi. Ya bayyana cewa dole ne cibiyoyin da abin ya shafa su kammala tsofaffin ayyukansu kafin su samu damar cin gajiyar sabbin tallafi.
Hukumar ta kuma umarci duk cibiyoyin da abin ya shafa su tattara jerin ayyukan da suka jinkirta fiye da watanni shida, su bayyana dalilan jinkirin tare da hanyoyin magance su. Haka kuma, ƙungiyoyin sa ido na TETFund za su gudanar da binciken zahiri a watan Agusta da Satumba na 2026 kafin a yanke hukuncin ayyukan da za su cancanci tallafin 2027.
#TETFund #Ilimi #JamioI #Polytechnic #CollegeOfEducation #Nigeria #TallafinIlimi #AyyukanGineGine #Bincike #NexviewTV
Comments
Post a Comment