NexView Television

  Ranar Samun ’Yancin Kai: Gwamnatin Tarayya Ta Ayyana 1 Ga Oktoba A Matsayin Hutun Kasa Umar Nusaiba Ibrahim  Gwamnatin Tarayya ta ayyana Alhamis, 1 ga Oktoba, 2026, a matsayin ranar hutu ta ƙasa domin bikin cika shekaru 66 da samun ‘yancin kan Najeriya. Ministan Harkokin Cikin Gida, Olubunmi Tunji-Ojo, ne ya bayyana hakan a madadin Gwamnatin Tarayya, inda ya taya ƴan Najeriya da ke cikin gida da ƙasashen waje murnar bikin cika shekaru 66 da samun ‘yancin kai. Tunji-Ojo ya bayyana cewa zaman lafiya da kwanciyar hankali su ne ginshiƙan ci gaban kowace ƙasa. Ya bukaci ƴan Najeriya da su yi koyi da kishin ƙasa da jajircewar waɗanda suka kafa Najeriya, tare da ba da gudummawa wajen gina ƙasar da al’ummarta da ‘ya’yansu za su yi alfahari da ita. Ministan ya ce bambancin al’adu da harsuna da ake da su a Najeriya ya kamata a ɗauke su a matsayin ƙarfi, yana mai cewa haɗin kan ‘yan ƙasa da ƙudurin gina ƙasa mai ƙarfi za su taimaka wajen samar da makoma mai kyau. Ya kuma tabbatar da ce...

  Majalisar Ƙasa Ta Ƙara Wa’adin Kasafin 2025 A Karo Na Hudu Umar Nusaiba Ibrahim  Majalisar Ƙasa ta tsawaita wa’adin aiwatar da ɓangaren ayyukan raya ƙasa na kasafin kuɗin shekarar 2025 daga ranar 30 ga Satumba zuwa 31 ga Disamba 2026. Wannan shi ne karo na huɗu da aka ƙara wa’adin aiwatar da kasafin kuɗin ayyukan raya ƙasar na shekarar 2025. A Majalisar Dattawa, Shugaban Masu Rinjaye, Opeyemi Bamidele, ya ce matakin ya zama dole domin bai wa ma’aikatu, hukumomi da sassan gwamnati isasshen lokaci don kammala ayyukan da aka ware musu kuɗaɗe. Ya bayyana cewa hanyoyin sayen kayayyaki, aiwatar da kwangiloli, biyan kuɗaɗen fara aiki da tantance ayyukan da aka kammala na iya jinkirta aiwatar da ayyukan. Mataimakin Shugaban Majalisar Dattawa, Barau Jibrin, ya goyi bayan tsawaita wa’adin, yana mai cewa hakan zai taimaka wajen rage yawaitar ayyukan gwamnati da ake bari ba a kammala su ba. Shi ma Shugaban Marasa Rinjaye, Abba Moro, ya amince da matakin, amma ya yi kira ga ‘yan majalisa...

  An Kashe Ƴan Najeriya Uku A Afirka Ta Kudu Cikin Kwanaki Hudu Umar Nusaiba Ibrahim  An kashe wasu ƴan Najeriya uku a wasu hare-hare daban-daban a ƙasar Afirka ta Kudu cikin kwanaki huɗu, lamarin da ya ƙara jawo damuwa kan tsaron ƴan Najeriya da ke zaune ko gudanar da harkokinsu a ƙasar. Jakadan Najeriya da aka naɗa zuwa Afirka ta Kudu, Femi Fani-Kayode, ya bayyana cewa kisan ya faru ne a ranakun 18, 20 da 21 ga Satumba, 2026. Ya ce hakan ya kai adadin ƴan Najeriya da aka ce an kashe a Afirka ta Kudu a wannan shekarar zuwa 12, yayin da tun daga 2022 aka kashe mutum 112. A cikin wata sanarwa, Fani-Kayode ya ce bayanan kashe-kashen sun isa gare shi ne daga ofishin Jakadan Najeriya a Johannesburg. Ya yi kira ga hukumomin Afirka ta Kudu da su gudanar da cikakken bincike, gano waɗanda ke da hannu da kuma gurfanar da su a gaban kotu, tare da ɗaukar matakan kare rayukan ƴan Najeriya. Ofishin Jakadancin Najeriya a Johannesburg ya bayyana sunayen waɗanda suka mutu a matsayin Kenechukw...

  Shettima Ya Dawo Najeriya Bayan Wakiltar Tinubu A UNGA Umar Nusaiba Ibrahim  Mataimakin Shugaban Ƙasa, Kashim Shettima, ya dawo Najeriya bayan ya wakilci Shugaba Bola Ahmed Tinubu a babban taron Majalisar Ɗinkin Duniya karo na 81, UNGA, da aka gudanar a birnin New York na ƙasar Amurka. Shettima ya bar Abuja a ranar 20 ga Satumba, inda ya gabatar da jawabin ƙasa na Shugaba Tinubu a zaman babban taron. A jawabin, Najeriya ta sake yin kira da a sake fasalin Majalisar Tsaron Majalisar Ɗinkin Duniya, musamman ta hanyar bai wa Afirka kujerar dindindin, tare da neman ingantaccen tsarin samar da kuɗaɗen ci gaba a duniya da ƙarin tallafin yaƙi da sauyin yanayi. A wani taro na Africa Minerals Strategy Group, Mataimakin Shugaban Ƙasar ya bayyana matsayar Najeriya kan buƙatar ƙasashen Afirka su daina dogaro da fitar da ma’adinai ba tare da sarrafa su ba. Ya ce ya kamata nahiyar ta mayar da hankali kan sarrafa albarkatun ƙasa, bunƙasa masana’antu da ƙara darajar kayayyakin da take samarw...

  Firgici A Neja: ‘Yan Ta’adda Sun Sace Mutane 14 Daga Iyali Ɗaya Umar Nusaiba Ibrahim  Wata ɗaliba a Kwalejin Kimiyyar Lafiya da Fasaha ta Akram’s da ke Jihar Neja, Muhibbat Abass, ta bayyana cewa mutane 14 daga cikin iyalanta na hannun ‘yan ta’adda, bayan harin da aka kai kan masu ibada a wasu masallatan Juma’a guda huɗu a ƙaramar hukumar Borgu. Muhibbat ta ce daga cikin mutanen da aka yi garkuwa da su akwai mahaifinta, kakanta, ‘yan uwanta da sauran danginta. Ta ce tun bayan faruwar lamarin ta dakatar da karatunta, sakamakon matsanancin tashin hankali da kuma rashin wanda zai ci gaba da daukar nauyin karatunta bayan an yi garkuwa da mahaifinta. Harin ya faru ne a ranar 21 ga Agusta a garuruwan Dekara, Kpenya, Sabon-Gida da Gidan-Zana, lokacin da musulmi ke gudanar da sallar Juma’a. Bayan kwana biyu, ‘yan ta’addan sun fitar da wani bidiyo da ke nuna wasu daga cikin mutanen da suka yi garkuwa da su, ciki har da mata da yara. Al’ummomin da abin ya shafa sun ce adadin mutanen d...

INA SHUGABAN NAJERIYA? — PETER OBI YA TAMBAYI TINUBU KAN RASHIN BAYYANARSA Umar Nusaiba Ibrahim  Ɗan takarar shugaban ƙasa na jam’iyyar Nigeria Democratic Congress (NDC), Peter Obi, ya nuna damuwa tare da neman ƙarin bayani kan inda Shugaban Najeriya, Bola Ahmed Tinubu, yake, sakamakon tsawon lokacin da bai bayyana a bainar jama’a ba. Obi, wanda tsohon gwamnan Jihar Anambra ne, ya bayyana hakan ne a wata sanarwa da ya wallafa a shafinsa na X ranar Lahadi, wadda mai magana da yawunsa, Idris Zekeri Jnr, ya fitar. Rahotanni sun ce Shugaba Tinubu ya bar Najeriya ranar 30 ga Agusta, 2026, domin gudanar da hutun aiki na makonni uku a Turai, kamar yadda fadar shugaban ƙasa ta bayyana. Sai dai wasu ‘yan adawa da ƙungiyoyin farar hula sun fara nuna damuwa bayan lokacin da aka yi tsammanin zai dawo ya wuce. Obi ya yi wannan tsokaci ne bayan jawabin da Shugaban Ghana, John Dramani Mahama, ya gabatar a taron Majalisar Ɗinkin Duniya na 81 (UNGA) da aka gudanar a birnin New York. Ya kwatanta hal...

  Adamawa: An Kama Malamin Makaranta Bisa Zargin Lalata da Yarinyar ’Yar Shekara 10 Samira Ahmad Danketa  A ranar 26 ga Satumba 2026, ’yan sandan jihar Adamawa sun sanar da kama wani malamin makarantar firamare mai shekaru 54, mai suna Garba Suleiman, bisa zargin lalata da wata yarinya ’yar shekara 10. Jami’in hulɗa da jama’a na rundunar ’yan sandan jihar, SP Suleiman Nguroje, ne ya bayyana hakan yayin da ake gabatar da wanda ake zargin ga manema labarai. Nguroje ya ce an kama malamin ne bayan iyalan yarinyar sun shigar da ƙorafi a hedikwatar ’yan sanda ta shiyyar Yola South. Ya bayyana cewa jami’an ’yan sanda sun gaggauta ɗaukar mataki tare da kama wanda ake zargin. A cewar rundunar, binciken farko ya nuna cewa ana zargin malamin ya yaudari yarinyar sannan ya aikata lalata da ita. An kuma kai yarinyar asibiti domin yi mata gwajin lafiya. Kwamishinan ’yan sandan jihar, CP Kabir Umar Hassan, ya bayar da umarnin tura lamarin zuwa sashen binciken manyan laifuka na jihar (SCID) da...

  Yamal: Ba Don Kuɗi Nake Buga Ƙwallo Ba Samira Ahmad  Danketa Ɗan wasan gefe na Barcelona da tawagar ƙasar Spain, Lamine Yamal, ya bayyana cewa sha’awarsa ga ƙwallon ƙafa ce babban dalilin da ya sa yake buga wasa, ba don samun kuɗi, ƙwallaye ko taimakon zura ƙwallaye ba. Yamal ya bayyana hakan ne a wata hira da jaridar The Guardian, inda ya ce yana jin daɗin ƙwallon ƙafa sosai idan yana samun damar nuna ƙwarewarsa, taimaka wa ƙungiyarsa da kuma samar wa abokan wasansa damar cin ƙwallo. Matashin ɗan wasan ya ce baya son ƙididdigar ƙwallayen da ya ci ko taimakon da ya bayar ta zama abin da aka fi mayar da hankali a kansa a rayuwarsa ta ƙwallon ƙafa. Ya ce yawan damuwa da irin waɗannan ƙididdiga na iya rage wa ɗan wasa jin daɗin wasan. Yamal ya ce: “Ba don kuɗi nake buga ƙwallo ba, ina buga ta ne saboda ina sonta. Ina buga wasa ne don nishaɗi, yin dribbling, yin passes, da kuma taimaka wa ɗan wasan da bai ci ƙwallo ba ya ci, domin farin ciki.” Yamal ya kuma yi magana kan ganawar...

  2027: ADC Da NDC Ba Barazana Ba Ne Ga APC — Nentawe Umar Nusaiba Ibrahim  Shugaban jam’iyyar APC na ƙasa, Farfesa Nentawe Yilwatda, ya ce jam’iyyun adawa ta ADC da NDC ba su zama wata babbar barazana ga APC ba a zaɓen 2027. Yilwatda ya bayyana hakan ne a ranar Asabar a Maiduguri, Jihar Borno, bayan kammala taron APC na tsawon kwanaki uku, wanda manyan jami’an jam’iyyar suka halarta. Ya ce APC ta samu nasara a zaɓukan cike gurbi da aka gudanar kwanan nan, inda jam’iyyar ta lashe huɗu daga cikin zaɓuka biyar. Haka kuma, ya ce APC ce ta yi nasara a zaɓen da aka gudanar kwanan nan a Ƙaramar Hukumar Ganye ta Jihar Adamawa. Shugaban APC ya ce sakamakon waɗannan zaɓuka ya nuna cewa jam’iyyar na da ƙarfi kuma a shirye take domin tunkarar zaɓen 2027. A yayin taron, shugabannin jam’iyyar sun kuma duba tsarin tafiyar da APC daga matakin ƙasa har zuwa rumfunan zaɓe. Sun yanke shawarar ƙara ƙarfafa sulhu da haɗin kan ’ya’yan jam’iyyar, tare da inganta ayyukan yaƙin neman zaɓe. Taron ya k...

  NECO 2026: Kano Ta Doke Lagos, Ta Zama Jiha Mafi Kyawun Sakamako Umar Nusaiba Ibrahim  Jihar Kano ta zo ta daya a jerin jihohin Najeriya da suka fi samun nasara a jarabawar NECO ta shekarar 2026, inda dalibai 74,413 suka samu aƙalla maki biyar, ciki har da Turanci da Lissafi. Lagos ta zo ta biyu da dalibai 72,496, yayin da Oyo ta zo ta uku da dalibai 55,543. Wannan nasarar ta sa Kano ta zama ta daya a sakamakon jarabawar NECO na kasa a karo na biyu a jere, bayan da jihar ta samu irin wannan matsayi a shekarar 2025. Hakan na zuwa ne yayin da ake ci gaba da mayar da hankali kan inganta harkar ilimi a jihar. Gwamnan Kano, Abba Yusuf, ya taya dalibai, malamai, iyaye da sauran masu ruwa da tsaki murnar wannan nasara. A cikin wata sanarwa da mai magana da yawunsa, Sanusi Bature, ya fitar, gwamnan ya ce nasarar da jihar ta samu sau biyu a jere na nuna cewa zuba jari da ake yi a bangaren ilimi na samar da sakamako. Gwamnan ya ce gwamnatinsa za ta ci gaba da bai wa ilimi muhimmanci t...

  Trump Ya Yi Watsi Da Shawarar Iran Kan Mashigar Hormuz Umar Nusaiba Ibrahim  Shugaban Amurka Donald Trump ya ce ya yi watsi da wata shawara da Iran ta gabatar domin sake bude mashigar ruwa ta Hormuz. Trump ya bayyana hakan ne a ranar Asabar yayin da yake magana da manema labarai a wajen fadar White House. Ya ce Iran ta gabatar da shirin da zai ba da damar bude mashigar cikin kwanaki bakwai, amma ya yanke shawarar kin amincewa da shirin. Trump ya ce Iran na son cimma yarjejeniya domin a bude mashigar cikin gaggawa, yana mai cewa kasar na fuskantar matsin lamba sakamakon halin da ake ciki. Ya kara da cewa Iran na son a yi yarjejeniya, shi ma yana goyon bayan yin yarjejeniya, amma ya ce bai amince da shawarar da Tehran ta gabatar ba. Mashigar Hormuz na daga cikin muhimman hanyoyin safarar man fetur a duniya, kuma duk wani cikas ga zirga-zirgar jiragen ruwa a yankin na iya shafar kasuwancin makamashi da farashin man fetur a duniya. #Trump #Iran #StraitOfHormuz #US #IranNews #Wor...

  Alƙawarin Tinubu Na Rage Kudin Sufuri Ya Fuskanci Kalubale Umar Nusaiba Ibrahim  Kasa da mako guda kafin cikar wa’adin da Shugaban Najeriya Bola Ahmed Tinubu ya sanya na fara rage kudin sufuri a fadin kasar daga ranar 1 ga Oktoba, bincike ya nuna cewa jihohi da dama na iya kasa cika wannan buri saboda karancin tashoshin CNG da wuraren sauya motocin fetur zuwa CNG. Shugaba Tinubu ya ce gwamnonin jihohi sun amince da daukar matakan rage kudin sufuri ta hanyar amfani da Compressed Natural Gas (CNG) da motocin lantarki. Ya bayyana cewa motocin da ke amfani da CNG na kashe kashi 60 zuwa 80 cikin 100 kasa da kudin da motocin fetur ke kashewa, don haka ya kamata wannan rangwame ya bayyana a farashin sufuri. Sai dai binciken ya nuna cewa jihohi kamar Taraba, Benue da Plateau ba su da tashar CNG mai aiki ko cibiyar sauya motocin CNG a halin yanzu. Wasu jihohin kuma suna da tashar guda daya kacal, lamarin da ke jawo dogayen layuka da wahalar samun gas. A Borno ma, kudin sauya mota zuw...

  KANO NA NEMAN ƘARFAFA ALAƘA DA SAUDIYYA  Samira Ahmad Danketa  Gwamnatin Jihar Kano ta yi kira da a ƙara ƙarfafa haɗin gwiwar tattalin arziki da ci gaba tsakaninta da Masarautar Saudiyya. Mataimakin Gwamnan Kano, Aminu Sule Garo, wanda ya wakilci Gwamna Abba Kabir Yusuf, ya yi wannan kiran ne a wajen bikin Ranar Ƙasa ta 96 ta Saudiyya da aka gudanar a Kano. An gudanar da taron ne a Kano a ranar 23 ga Satumba, 2026. Garo ya ce ya kamata a mayar da alaƙar da ke tsakanin Kano da Saudiyya, wadda ta samo asali tun ƙarni da dama ta fuskar addini, kasuwanci da ilimin Musulunci, zuwa haɗin gwiwa mai amfani a fannonin noma, kasuwanci, zuba jari, ilimi, kiwon lafiya, masana’antu da makamashi. Ya kuma yaba wa gwamnatin Saudiyya kan tallafin jin ƙai da take bai wa Najeriya, musamman tallafin da aka bayar wajen yi wa wasu tagwaye masu haɗe da juna daga Kano tiyatar raba su. A nasa jawabin, Khalil Ahmed Al-Adamawi, Jakadan Saudiyya a Kano, ya ce alaƙar Najeriya da Saudiyya, musamman ...

  NECO Ta Fitar Da Sakamakon SSCE Na 2026 Umar Nusaiba Ibrahim  Hukumar Shirya Jarabawar Kammala Sakandare ta Ƙasa, NECO, ta fitar da sakamakon jarabawar Senior School Certificate Examination (SSCE) ta shekarar 2026. Rajistara hukumar, Farfesa Dantani Wushishi, ce ta bayyana hakan a ranar Alhamis yayin wani taron manema labarai. A cewar hukumar, ɗalibai 1,378,048 ne suka yi rajistar jarabawar, yayin da 1,371,992 suka zauna domin rubuta jarabawar. Daga cikin waɗanda suka rubuta, ɗalibai 804,948, wato kashi 58.67 cikin 100, sun samu maki biyar ko sama da haka, ciki har da Turanci da Lissafi. Hukumar ta kuma bayyana cewa ɗalibai 1,126,118, kwatankwacin kashi 84.70 cikin 100, sun samu maki biyar ko sama da haka ba tare da la’akari da samun Turanci da Lissafi ba. Dangane da magudin jarabawa, NECO ta ce ɗalibai 1,496 ne aka samu da hannu a irin wannan laifi a shekarar 2026, idan aka kwatanta da 3,878 da aka samu a shekarar 2025. Hakan na nuna raguwar adadin masu magudin jarabawar da...

  Kotu Ta Soke Tikitin Pantami, Ta Umurci PDP Ta Sake Zaben Fidda Gwani a Gombe Umar Nusaiba Ibrahim  Babbar Kotun Tarayya da ke zamanta a Gombe ta umarci jam’iyyar Peoples Democratic Party, PDP, da ta sake gudanar da zaɓen fidda gwani na takarar gwamnan jihar Gombe. Mai shari’a Amina Aliyu Mohammed ce ta yanke hukuncin, bayan Usman Aliyu Garry ya shigar da ƙara yana ƙalubalantar yadda aka samu Farfesa Isa Ali Pantami a matsayin ɗan takarar jam’iyyar. Garry ya ƙalubalanci zaɓen Pantami bayan PDP ta sanar da shi a matsayin ɗan takararta tilo a ranar 26 ga Yuni, 2026, yana zargin cewa ba a gudanar da zaɓen fidda gwani yadda ya kamata ba. Pantami, wanda a baya ya kasance ɗan takarar neman kujerar gwamna a ƙarƙashin APC, ya koma PDP ne bayan APC ta amince da Jamilu Gwamna a matsayin ɗan takararta na maslaha. Bayan komawarsa PDP, Pantami ya samu tikitin takarar gwamna ta hanyar amincewar baki a yayin zaɓen fidda gwani da jam’iyyar ta gudanar a watan Mayun 2026. Sai dai matakin ya f...

  Gwamnan Katsina Ya Yabi Sojoji Kan Dakile Harin Masu Garkuwa da Mutane Umar Nusaiba Ibrahim  Gwamnan Jihar Katsina, Dikko Radda, ya yaba wa dakarun Rundunar Sojin Najeriya bisa dakile yunkurin ’yan ta’adda na kai hari da yin garkuwa da dimbin mazauna yankin Gidan Iyado da ke Karamar Hukumar Bakori ta jihar. Gwamnan ya kuma yaba wa jami’an Hukumar DSS da ’yan sa-kai bisa bayanan sirrin da suka taimaka wajen gudanar da samamen, wanda ya kai ga hallaka ’yan ta’adda 18 tare da kwato bindigogi, harsasai, babura da dabbobin da aka sace. Kwamishinan Tsaron Cikin Gida da Harkokin Gida na jihar, Nasir Mua’su, ya ce aikin sojojin ya samu nasara ne sakamakon sahihan bayanan sirri game da shirin ’yan ta’addan na yin garkuwa da mutane domin neman kudin fansa. Ya ce ’yan ta’addan na karkashin jagorancin wani Alhaji Musa Duki, tsohon shugaban makaranta da ya koma jagoran ’yan bindiga, wanda ke gudanar da ayyukansa daga dajin Mununu a Karamar Hukumar Faskari. An kwato bindigar G3 guda daya,...

 Masari Ya Zama Hannun Daman Tinubu a Siyasar Arewa Umar Nusaiba Ibrahim  Mai Bai wa Shugaban Ƙasa Bola Ahmed Tinubu Shawara kan Harkokin Siyasa, Alhaji Ibrahim Kabir Masari, na ƙara zama ɗaya daga cikin manyan jiga-jigan siyasar ƙasar, musamman a yankin Arewa. Masari, wanda a shekarar 2023 aka sanya sunansa a matsayin mataimakin Tinubu na wucin gadi domin cike gurbin takarar kafin daga bisani a maye gurbinsa da Kashim Shettima, ya samu ƙarin tasiri tun bayan nasarar Tinubu a zaɓen shugaban ƙasa. Daga baya an naɗa shi Babban Mataimaki na Musamman kan Harkokin Siyasa, sannan aka ƙara masa girma zuwa matsayin Mai Bai Wa Shugaban Ƙasa Shawara kan Harkokin Siyasa. Rahotanni da bayanan wasu majiyoyi sun nuna cewa Masari ya zama ɗaya daga cikin mutanen da Shugaba Tinubu ya fi dogaro da su wajen hulɗa da manyan ’yan siyasa a Arewa. Ana danganta kusancinsa da Tinubu da tsoffin alaƙar siyasar shugaban da wasu manyan ’yan siyasar Katsina, ciki har da Sanata Abu Ibrahim da tsohon Gwamnan...

 Gwamnonin Arewa Sun Bukaci Bincike Kan Mutuwar Masu Hakar Ma’adinai 37 a Neja Samira Ahmad Danketa  Ƙungiyar Gwamnonin Arewacin Najeriya (NNGF) ta yi kira da a gudanar da cikakken bincike mai gaskiya da adalci kan mutuwar mutane 37, waɗanda suka rasu a lokacin da suke tsare a hannun Hukumar Tsaron Fararen Hula ta Najeriya (NSCDC) a Jihar Neja. A cikin wata sanarwa da Gwamnan Jihar Gombe kuma Shugaban ƙungiyar, Muhammadu Inuwa Yahaya, ya fitar a madadin sauran gwamnonin a ranar Juma’a, ya bayyana mutuwar mutane da yawa, musamman a lokacin da suke tsare, a matsayin abin da ke matuƙar tayar da hankali da damuwa. Gwamna Yahaya ya bukaci hukumomin da abin ya shafa su gano hakikanin abin da ya faru kafin, lokacin da kuma bayan kama waɗanda abin ya shafa. Ya ce ya kamata binciken ya gudana yadda ya kamata ba tare da katsalandan ba, domin a gano gaskiyar lamarin. Ya kuma miƙa ta’aziyyar NNGF ga gwamnatin Jihar Neja, al’ummar jihar da kuma iyalan mamatan, yana mai bayyana lamarin a ma...

 FRSC: Ba a Bai wa Kowa Takardar Nadin Aiki ba a Daukar Ma’aikatan 2026 Samira Ahmad Danketa  Hukumar Kula da Tsaron Hanyoyi ta Tarayya, FRSC, ta karyata wani labarin da ke yawo a kafafen sada zumunta, wanda ke cewa Hon. Ali Isah, ɗan majalisar wakilai mai wakiltar Balanga/Billiri a Jihar Gombe, ya samo wa mutanen mazabarsa guraben aikin FRSC guda 50. FRSC ta ce har yanzu ba a bai wa wani ɗan takara takardar nadin aiki ba a cikin aikin ɗaukar ma’aikatan shekarar 2026. Jami’in Ilimantar da Jama’a na hukumar, Osondu Ohaeri, ne ya bayyana hakan a cikin wata sanarwa. Ya ce waɗanda suka yi nasara a matakan tantancewa da hira an gayyace su ne zuwa wuraren horo da FRSC Academy domin ci gaba da sauran matakai na ɗaukar aikin. Hukumar ta bayyana cewa dole ne ‘yan takarar su kammala horo, tantancewa, regimentation da sauran matakan da aka tanada cikin nasara kafin a yi la’akari da ba su aikin. FRSC ta buƙaci jama’a da masu amfani da kafafen sada zumunta da su yi watsi da wannan labari, ...

 Ilimi Ba Yaudara Ba Ne — Sanata Ya Gargadi Dalibai Umar Nusaiba Ibrahim  Sanata Shuaib Afolabi Salisu, Shugaban Kwamitin Majalisar Dattawa kan Fasahar Sadarwa da Tsaron Intanet, ya bukaci daliban Najeriya da su rungumi ilimi tare da jajircewa, yana mai bayyana ilimi a matsayin hanyar samun ci gaba da kuma taka muhimmiyar rawa a cikin al’umma. Salisu, wanda ke wakiltar Ogun ta Tsakiya, ya yi Allah-wadai da yadda wasu matasa ke cewa “ilimi yaudara ne”, inda ya ce ilimi ya taimaka wajen samar da manyan maza da mata da dama a cikin al’umma, musamman a Jihar Ogun. Sanatan ya ce shawarar da iyayensa suka ba shi shekaru 46 da suka gabata ce ta kara masa sha’awar neman ilimi. Ya kuma bayyana cewa bayan rasuwar mahaifiyarsa, ya fahimci cewa ilimi ne hanyar da za ta ba shi damar zama mai amfani a cikin al’umma. Salisu ya bayyana hakan ne a wajen shirin tallafawa ilimi na shekara-shekara na SAS Omoyayi Educational Support Programme, wanda aka gudanar a June 12 Cultural Centre da ke Kuto...

 An Ƙara Tsaurara Matakan Tsaro Yayin Ziyarar Shettima a Adamawa Samira Ahmad Danketa  Rundunar ’yan sandan jihar Adamawa ta ƙara tsaurara matakan tsaro a babban birnin jihar gabanin ziyarar Mataimakin Shugaban Ƙasa, Kashim Shettima, wanda zai ziyarci jihar a yau Alhamis. Ana sa ran Shettima zai jagoranci tawagar gwamnatin tarayya zuwa Adamawa domin jajanta wa gwamnatin jihar, Majalisar Masarautar Adamawa da kuma iyalan marigayi Alhaji Bamanga Tukur, wanda ya rasu ranar Asabar kuma aka binne shi ranar Lahadi a Yola. Mai magana da yawun rundunar ’yan sandan jihar, SP Suleiman Nguroje, ya bayyana cewa Kwamishinan ’yan sanda, CP Kabir Umar Hassan, ya bayar da umarnin tura jami’an tsaro da dama domin tabbatar da tsaron ziyarar. Daga cikin jami’an da aka tura akwai rundunar Police Mobile Force (PMF), Counter-Terrorism Unit (CTU), Anti-Kidnapping Unit, Intelligence Unit, Traffic Unit da kuma jami’an ’yan sanda na sassan jihar. Rundunar ta kuma bukaci jama’a da su kasance cikin taka-...

 Aisha Buhari Ta Kai Ziyara Ga Atiku Abubakar Umar Nusaiba Ibrahim  Tsohuwar Uwargidan Shugaban Ƙasa, Aisha Buhari, ta kai ziyara ga tsohon Mataimakin Shugaban Ƙasa kuma ɗan takarar shugaban ƙasa na jam’iyyar African Democratic Congress (ADC), Atiku Abubakar. Atiku ne ya bayyana hakan ta kafafen sada zumunta, inda ya ce ya karɓi Aisha Buhari cikin farin ciki da girmamawa. Atiku ya yi amfani da ziyarar wajen bayyana damuwarsa kan halin da al’ummar Najeriya ke ciki, musamman yadda tsadar abinci, sufuri, ilimi, kiwon lafiya da sauran muhimman abubuwan rayuwa ke ƙara matsa wa iyalai lamba. Tsohon mataimakin shugaban ƙasan ya ce ‘yan Najeriya na buƙatar tattalin arzikin da zai bai wa masu aiki tuƙuru damar samun ci gaba, tare da dawo da damar samun ingantacciyar rayuwa. Ya ce burinsa shi ne gina Najeriya da za ta kasance mai amfani ga al’ummarta, tare da samar da mutunci, fata da damar samun rayuwa mai inganci ga kowane iyali. Atiku ya ce ya ƙuduri aniyar rage wa ‘yan Najeriya nauy...

 ASUU Ta Ɗauki Sabbin Matakai A Jami’o’in Jihohi Umar Nusaiba Ibrahim  Ƙungiyar Malaman Jami’o’i ta Najeriya, ASUU, ta ayyana yajin aikin sai baba-ta-gani a jami’o’i uku mallakin gwamnatin jihar Lagos, yayin da reshen ƙungiyar a Jami’ar Jihar Taraba ya bai wa gwamnatin jihar wa’adin kwanaki 14 domin magance matsalolin da suka shafi yarjejeniyar da aka cimma a shekarar 2025. Jami’o’in da yajin aikin ya shafa a Lagos su ne Jami’ar Jihar Lagos, LASU; Jami’ar Ilimi ta Jihar Lagos, LASUED; da Jami’ar Kimiyya da Fasaha ta Jihar Lagos, LASUSTECH. ASUU ta ce matakin ya biyo bayan ƙarewar wa’adin kwanaki 14 da ta bai wa gwamnatin jihar a ranar 31 ga Agusta, ba tare da an cimma matsaya mai gamsarwa kan buƙatunta ba. Ƙungiyar ta ce babbar buƙatarta ita ce cikakken amincewa da aiwatar da yarjejeniyar da Gwamnatin Tarayya da ASUU suka cimma a watan Disambar 2025 a jami’o’in jihar. Hakan ya haɗa da biyan wasu alawus-alawus da tanade-tanaden jin daɗin malaman jami’a masu aiki da waɗanda suka...

 Mohammed Idris Charges CCB Officers to Uphold Integrity, Due Process ABUJA — The Minister of Information and National Orientation, Mohammed Idris, has urged officers of the Code of Conduct Bureau (CCB) to uphold integrity, professionalism, fairness and due process in carrying out their duties. Idris gave the charge at the closing ceremony of a training programme for 102 CCB officers at the EFCC Academy in Karu, Abuja. He described the CCB as vital to promoting transparency, accountability and public trust, stressing that the fight against corruption requires not only enforcement but also prevention, ethical leadership and public enlightenment. The Minister also urged the officers to conduct investigations and handle complaints professionally and in accordance with the law, noting that their actions could directly affect public confidence in government institutions. He reaffirmed the Federal Ministry of Information and National Orientation’s commitment to supporting initiatives tha...

 “Ba Ni Da Abin Ɓoyewa” — Obi Ya Nemi UNN Ta Bayyana Bayanan Karatunsa Umar Nusaiba Ibrahim  Ɗan takarar shugaban ƙasa na jam’iyyar Nigeria Democratic Congress, NDC, Peter Obi, ya buƙaci jami’o’i da sauran cibiyoyin ilimi da ya taɓa karatu a cikinsu su fito fili su bayyana bayanan karatunsa, yana mai cewa ba shi da wani abin da yake ɓoyewa. Obi ya bayyana hakan ne yayin wata hira da shirin 90 Minutes Africa, inda yake martani kan ikirarin da jakadan Najeriya mai jiran aiki a Mexico, Reno Omokri, ya yi cewa ƴan takarar shugaban ƙasa a Najeriya suna da fayiloli a hannun Hukumar Binciken Laifuka ta Tarayya ta Amurka, FBI. Obi ya ce bai taɓa mu’amala da FBI ba, kuma bai san cewa yana da wani fayil a wurinta ba. Tsohon gwamnan jihar Anambra ya ce duk wanda ke neman riƙe muƙamin gwamnati ya kamata ya kasance a shirye domin a binciki tarihinsa da bayanansa yadda ya kamata. Ya kuma roƙi Jami’ar Najeriya da ke Nsukka, UNN, da ta fitar da dukkan bayanan da ke cikin fayil ɗinsa, ciki har...

 Tinubu Ya Hana Aikin “White Elephant”, Ya Gargadi Hukumar Raya Yankuna Umar Nusaiba Ibrahim  Shugaban Ƙasa Bola Ahmed Tinubu ya gargadi hukumomin raya yankuna da su guji kashe kuɗaɗen gwamnati wajen aiwatar da ayyukan da ba su da ingantaccen tsari ko kuma waɗanda ba za su samar da amfani mai ma’ana ga al’umma ba. Tinubu ya yi wannan gargaɗin ne a ranar Litinin, lokacin da aka buɗe taron farko na masu ruwa da tsaki kan ci gaban Arewa ta Tsakiya, wanda Hukumar Raya Yankin Arewa ta Tsakiya, NCDC, ta shirya a Abuja. Shugaban Ƙasar ya samu wakilcin Sakataren Gwamnatin Tarayya, George Akume. Ya ce dole ne hukumomin raya yankuna su mayar da hankali kan ayyukan da ke da cikakkun manufofi, ingantaccen tsarin samar da kuɗaɗe da kuma sakamakon da za a iya auna tasirinsa ga al’ummomin da ake yi wa hidima. Shugaban Ƙasar ya ce “zamanin ayyukan white elephant ya ƙare,” yana mai gargadin cewa babu wani dalili da zai sa hukumomin su zama hanyar ɓarnatar da kuɗaɗen jama’a. Ya kuma yi gargaɗi ...

  LABARI MAI DUMI-DUMI: Matashin tauraro Franco Mastantuono ya kafa sabon tarihin duniya! Ya doke tarihin Lionel Messi, inda ya zama ɗan wasan gaba mafi ƙankanta a tarihin ƙasar Argentina da ya zura ƙwallaye uku rigis (hat-trick) a manyan shiyyoyin gasar Turai guda biyar!  Matashin mai shekaru 19 da kwanaki 28, wanda Real Madrid ta bayar da aronsa, ya baje kolin fasaha a wasan da ƙungiyarsa ta Fiorentina ta doke Venezia da ci 4-2 a gasar Serie A. Mastantuono ya cire sunan Messi daga saman teburin tarihin da aka kafa tun a shekarar 2007 da tazarar kwanaki 231!

  Tinubu Was Not FBI Probe Target — Omokri Insists By Zamira Ahmad Nasidi  Nigeria’s ambassador-designate to Mexico, Reno Omokri, has acknowledged that an FBI investigation involving individuals connected to President Bola Ahmed Tinubu took place, but maintained that Tinubu himself was not the subject of the investigation. Speaking on Channels Television’s Politics Today on Sunday, Omokri said the controversy surrounding US law-enforcement records had been fueled by what he described as a misinterpretation of Tinubu’s relationship with funds that came under scrutiny by American authorities. According to Omokri, Tinubu was working as an accountant at the time and held funds belonging to clients who were themselves under investigation by US authorities. «“There was an investigation. Bola Ahmed Tinubu was not the subject of that investigation,” Omokri said.» He explained that some of the funds were eventually subject to forfeiture after American authorities considered them suspic...

  NGX Ya Yi Asarar Naira Tiriliyan 1.9 Yayin da Masu Zuba Jari Ke Karɓar Riba Daga Zamira Ahmad Nasidi  Kasuwar hannayen jari ta Najeriya ta samu koma baya a makon da ya gabata, inda ta yi asarar kusan Naira tiriliyan 1.9, sakamakon matsin lambar sayar da hannayen jari da masu zuba jari suka yi domin karɓar ribar da suka samu. Wannan ya biyo bayan makon da kasuwar ta samu gagarumar riba, inda masu zuba jari suka samu kusan Naira tiriliyan 3.73. An samu matsin sayarwa a sassa daban-daban, ciki har da bankuna, masana'antu, kayan masarufi, man fetur da iskar gas, da inshora. Wannan ya jawo darajar kasuwar NGX ta ragu, yayin da All-Share Index (ASI) ya faɗi da 1.6%, daga maki 246,992.44 zuwa 243,052.74. A jimlace, an gudanar da hada-hadar da ta kai kusan Naira biliyan 130.73 a kasuwar NGX. Tasirin IPO na Dangote Refinery Masana sun ce ɗaya daga cikin abubuwan da ke ƙara tasiri kan kasuwar shi ne shirin IPO na Dangote Refinery, wanda aka tsara zai fara karɓar kuɗin masu neman shiga...

  2027: Malaman Jami’o’in Arewa Sun Bayyana Goyon Bayansu Ga Tinubu Umar Nusaiba Ibrahim  Fiye da manyan malaman jami’o’in gwamnati 600 daga jihohin Arewacin Najeriya sun bayyana goyon bayansu ga ƙoƙarin Shugaba Bola Ahmed Tinubu na neman wa’adin mulki na biyu a zaɓen shugaban ƙasa na 2027. Malamai daga jami’o’in gwamnati da dama na jihohin Arewa ne suka bayyana matsayar tasu a wani taro da mai bai wa shugaban ƙasa shawara kan harkokin siyasa, Ibrahim Masari, ya shirya domin tattauna makomar siyasar Najeriya. An gudanar da taron ne a cibiyar Umaru Musa Yar’Adua da ke Kaduna, inda aka gudanar da tattaunawar ne a bayan fage. A cikin waɗanda suka halarci taron akwai gwamnan Kaduna, Uba Sani, gwamnan Zamfara, Dauda Lawal, gwamnan Yobe, Mai Mala Buni, gwamnan Borno, Babagana Zulum, da takwaransa na Gombe, Inuwa Yahaya. Haka kuma, ministan tsaro Bello Matawalle, ministan gidaje Muttaqha Rabe Darma da tsohon gwamnan Katsina, Aminu Bello Masari, na daga cikin mahalarta taron. Mataimak...

  LABARI MAI DUMI-DUMI: Matashin tauraro Franco Mastantuono ya kafa sabon tarihin duniya! Ya doke tarihin Lionel Messi, inda ya zama ɗan wasan gaba mafi ƙankanta a tarihin ƙasar Argentina da ya zura ƙwallaye uku rigis (hat-trick) a manyan shiyyoyin gasar Turai guda biyar!  Matashin mai shekaru 19 da kwanaki 28, wanda Real Madrid ta bayar da aronsa, ya baje kolin fasaha a wasan da ƙungiyarsa ta Fiorentina ta doke Venezia da ci 4-2 a gasar Serie A. Mastantuono ya cire sunan Messi daga saman teburin tarihin da aka kafa tun a shekarar 2007 da tazarar kwanaki 231!

  Rundunar Sojoji Ta Kama Wanda Ake Zargi da Garkuwa da Mutane, Ta Kwato AK-47 a Edo Daga Zamira Ahmad Nasidi  Edo, Najeriya — 13 ga Satumba, 2026: Rundunar Sojojin Najeriya ta ce dakarunta sun kama wani mutum da ake zargi da hannu a ayyukan garkuwa da mutane, tare da kwato bindigar AK-47 da alburusai a jihar Edo. Dakarun 4 Brigade, Nigerian Army, da ke gudanar da ayyuka karkashin Operation Wabaizigan, sun gudanar da wani samame na musamman a yankin Obaretin Community, kusa da hanyar Benin–Sapele, a ƙaramar hukumar Ikpoba-Okha. A cewar rundunar, an kama wanda ake zargin mai suna Olamide Oyeniyi a ranar 12 ga Satumba, 2026, yayin da dakarun ke gudanar da sintiri da ayyukan dakile laifuka tare da kare muhimman hanyoyin sufuri. Abubuwan da aka kwato Rundunar ta ce daga hannun wanda ake zargin an kwato: - Bindigar AK-47 guda ɗaya - Magazine guda ɗaya - Alburusai 8 na 7.62mm Special - Wayar hannu kirar Tecno - Jaka biyu - Tocila - Music box - Wasu abubuwan da rundunar ta bayyana a ...

 An Sace Limaman Juma’a Shida Yayin Zuwa Addu’ar 2027 Umar Nusaiba Ibrahim  Wasu ’yan bindiga da ake zargin ’yan fashin daji ne sun sace limaman Juma’a shida a jihar Zamfara, yayin da suke kan hanyar zuwa Talata Mafara domin halartar wata addu’a ta musamman da aka shirya domin neman zaman lafiya da kuma nasarar Shugaba Bola Ahmed Tinubu a zaɓen 2027. An sace limaman ne kimanin kilomita uku daga ƙauyen Damri, a wani wuri da ake kira Gidan Suleiman Bature da ke dajin Gonar Sarkin. Addu’ar dai an shirya ta ne bisa gayyatar tsohon Gwamnan Zamfara kuma Darakta-Janar na kwamitin yaƙin neman zaɓen Tinubu na 2027, Sanata Abdul’aziz Yari Abubakar. Mazauna yankin sun bayyana cewa limaman da aka sace sun haɗa da Limamin Masallacin Juma’a na Dakko, Malam Shehu; Limamin Dogon Madacci, Liman Yahuza da mataimakinsa; Limamin Fagon, Liman Bala; da Limamin Tungar Nagodai, Na’ibi Tasi’u. Dukkansu daga ƙananan hukumomin Bakura da Anka ne. Rahotanni sun ce ’yan bindigar sun kuma sace wasu mutane b...

  2027: INEC Ta Fitar da Jerin Ƙarshe na ‘Yan Takarar Shugaban Ƙasa Umar Nusaiba Ibrahim  Hukumar Zaɓe Mai Zaman Kanta ta Ƙasa (INEC) ta fitar da jerin ƙarshe na ‘yan takarar kujerar shugaban ƙasa da mataimakansu da za su fafata a babban zaɓen ƙasar da aka shirya gudanarwa a watan Janairun 2027. Sakataren Hukumar, Rose Oriaran-Anthony, ce ta sanya hannu kan jerin sunayen, wanda aka fitar ranar Asabar a Abuja. Jerin ya ƙunshi ‘yan takarar da jam’iyyun siyasa 18 suka tsayar domin neman shugabancin ƙasar. A cikin ‘yan takarar shugaban ƙasa 18 da aka bayyana, maza su ne 16, wanda ke wakiltar kashi 88.9 cikin 100, yayin da mata biyu ne kacal, wato kashi 11.1 cikin 100. Daga cikin fitattun ‘yan takarar maza akwai Bola Tinubu na APC, Abubakar Atiku na ADC, Peter Obi na NDC, Adewole Adebayo na SDP, Oluseyi Makinde na APM, Donald Duke na PRP, Chibuzor Okereke na LP da Omoyele Sowore na AAC. A bangaren mata kuwa, Okwori Fredrick na NDP da Dr Esther Okereke na NRM ne aka bayyana a matsay...

  Yara 26 Sun Mutu a Gobarar Makaranta a Congo   Akalla yara 26 sun rasa rayukansu, yayin da wasu 25 suka jikkata, sakamakon gobara da turmutsitsi da ya tashi a makarantar Ujamaa Primary School da ke birnin Bukavu, gabashin Jamhuriyar Dimokuraɗiyyar Congo. Gobarar ta tashi ne da safiyar Alhamis yayin da ɗalibai ke cikin karatu. Wasu yara sun tsere ta ƙofofi, yayin da wasu suka tsalle daga bene domin kubuta daga wutar. Rahoton hukumomi ya ce wasu daga cikin yaran sun mutu sakamakon turmutsitsi da kuma shakewa saboda hayaki. Daga cikin waɗanda suka mutu, 20 ’yan mata ne, yayin da shida maza ne. Hukumomi da ƙungiyar M23 sun buƙaci a gudanar da bincike domin gano musabbabin gobarar, wadda kuma ta lalata daruruwan gidaje. Lamarin ya jefa Bukavu cikin babban alhini, yayin da aka ayyana kwanaki uku na zaman makoki domin tunawa da waɗanda suka rasa rayukansu. #Congo #DRC #Bukavu #GobararMakaranta #Yara #LabaranDuniya #AfricaNews #WorldNews #BreakingNews #SchoolFire #CongoNews #UjamaaP...