Masu Ruwa da Tsaki Sun Yi Gargaɗi Kan Tsaron Motocin CNG da EV a Najeriya.

 Masu Ruwa da Tsaki Sun Yi Gargaɗi Kan Tsaron Motocin CNG da EV a Najeriya.

Daga Umar Nusaiba Ibrahim

Masu ruwa da tsaki a harkar masana’antar motoci a Najeriya sun bayyana damuwa kan gibin da ke akwai ta fuskar tsaro wajen sauya amfani da motocin Compressed Natural Gas (CNG) da kuma Electric Vehicles (EVs). Sun ce rashin ingantattun ƙa’idoji, ƙarancin cibiyoyin gwaji da kuma ƙarancin wayar da kan jama’a na iya kawo cikas ga shirin gwamnatin tarayya na faɗaɗa amfani da motocin CNG da na lantarki masu rage gurɓata muhalli.

Hukumar Kula da Ingancin Kaya ta Najeriya (SON) ta ce dole ne a ƙarfafa aiwatar da ƙa’idoji tare da hana amfani da kayayyakin da ba su da takardar shaidar inganci, domin guje wa haɗurran da za su iya rage amincewar jama’a. A nata ɓangaren, Hukumar Kiyaye Haɗurra ta Ƙasa (FRSC) ta bayyana cewa tana shirya sabbin ƙa’idojin aiki domin tabbatar da ingantaccen amfani da motocin CNG da na lantarki a Najeriya.

Jami’an sun ƙara da cewa motocin CNG da na lantarki suna da aminci idan an yi amfani da ingantattun kayan aiki kuma ƙwararru ne suka girka su. Sai dai sun yi gargaɗin cewa yawaitar cibiyoyin sauya motoci ba bisa ƙa’ida ba da kuma shigo da kayan da ba su da inganci na iya kawo cikas ga shirin gwamnati na bunƙasa amfani da waɗannan nau’ikan motoci a ƙasar.

#NexviewTV #Nigeria #CNG #ElectricVehicles #EV #RoadSafety #SON #FRSC #CleanMobility #AutomotiveNews #EnergyTransition