EFCC Ta Sallami Ma’aikata Sama da 40 Kan Zargin Cin Hanci
EFCC Ta Sallami Ma’aikata Sama da 40 Kan Zargin Cin Hanci
Umar Nusaiba Ibrahim
Hukumar EFCC ta bayyana cewa ta sallami sama da ma’aikatanta 40 cikin shekaru biyu da rabi da suka gabata, bisa zargin aikata cin hanci da rashawa da kuma laifukan da suka shafi kuɗi.
Shugaban hukumar, Ola Olukoyede, ya bayyana hakan a Abuja yayin ganawa da ’yan jarida, inda ya ce sama da biyar daga cikin ma’aikatan da aka sallama a yanzu haka suna fuskantar shari’a, yayin da ake shirin gurfanar da wasu.
Olukoyede ya ce EFCC ta kuma ƙaddamar da sabuwar manufar kula da kyaututtukan da jami’anta ke karɓa, inda za a bukaci ma’aikata su bayyana duk wata kyauta da ta haura ƙayyadadden ƙima domin tabbatar da gaskiya da riƙon amana.
Ya ce tsakanin 1 ga Oktoba, 2023 zuwa 30 ga Yuni, 2026, hukumar ta samu dawo da Naira tiriliyan 1.23, dala miliyan 684.48, fam 373,905 da Euro miliyan 9.34.
Shugaban EFCC ya ce N661.32 biliyan da dala miliyan 492.37 daga cikin kuɗaɗen da aka dawo da su an riga an miƙa su ga waɗanda suka cancanta, yana mai jaddada cewa jami’an hukumar ba za su iya yaƙar cin hanci yadda ya kamata ba yayin da su kansu ke aikata irin wannan laifi.
#EFCC #EFCCNigeria #YakiDaCinHanci #CinHanciDaRashawa #Nigeria #Corruption #OlaOlukoyede #N1_23Trillion #FinancialCrime #NexviewTV
Comments
Post a Comment